ГУГОВЛӦН


Кутшӧм коми виршъяс
Сета тэныд рама?
Ода-ӧ Стефанлы,
Кодысь пышйӧ Пама?

Эпос-ӧ, кыдз Ягморт
Важӧн овліс-вывліс,
Кепысь пӧвнас йӧзлы
Шонді тупкывлывліс?

Колӧ-ӧ легенда,
Кыдзи вӧліс виӧм
Коми Михаил князь,
И кыдз абу сиӧм

Сылы мӧдысь кувны?
Гашкӧ, тэ зэв долыд,
Йӧктан сьыланкылысь
Гажмӧ шуда лолыд?

Гашкӧ, зіля корсян
Трагикӧс? Со видзӧд
Коми йӧзӧс; кыдзи
Синватӧ оз пычӧд?

Сэн быдсӧнлы
Сьӧлӧм серти волӧ…
Со тай сійӧ — лыддьы,
Кор сатира колӧ.