КУРАТОВЛЫ ПАМЯТНИК ДОРЫН


Кыдз быттьӧ ловъя, сувтӧма поэт
Да чолӧмасьӧ уличвывса йӧзкӧд.
Сьӧд кудри сылысь тӧвруыс оз лет
И пальтоыслысь пӧласӧ оз вӧрӧд.

Кор пуксяс тӧв — поэт сэк лолӧ дзор,
Лым шапка видзӧ кынмалӧмысь сійӧс.
Лун море дорсянь тулыс воас кор,
Поэтным сэки вӧйтчӧ дзоридз пиӧ.

Пыр сійӧ йӧзкӧд — Коми мулӧн пи:
Вот сулыштас и мӧдас Кебра сиктӧ.
Из морӧс бердас топӧдыштӧ ки,
Кыдз быттьӧ ӧнӧдз сьӧлӧмыс сэн тіпкӧ.