* * *

А.          
        
Колльӧд менӧ, мусаӧй, му помӧдз…
Позьӧ кӧ и, енэж помӧдз колльӧд.
Кывбуръяссьыд ловзьӧ кулӧм дзоридз,
Кодӧс сьӧлӧм пыдын косӧн кольлі.

Вунӧдлі, мый сійӧ кӧнкӧ эм на,
Вунӧдлі, мый сійӧ юны корӧ:
Чайтлі, сійӧ менам — сутшкысь ема,
Чайтлі, сатӧк лолӧс тадзи дорйӧ.

Кывбуртӧ ми юам вомсянь вомӧдз,
Вежӧрад мен сунны сэтшӧм долыд!..
Колльӧд менӧ! Колльӧд олӧм помӧдз!
Позьӧ кӧ и, олӧм саяс колльӧд…