КАНИКУЛЪЯС


Урокъяс бӧрӧ колисны.
Пӧсь чолӧм, гожся лун!
Каникулъяс ӧд воисны,
Он вермы дзебны нюм!

Каникулъяс, каникулъяс —
Зэв муса миян кад.
Каникулъяс, каникулъяс.
Ми быдӧн налы рад.

Со кыскӧ ывла миянӧс.
Ю вылын гажыс тыр.
Сэн вугралам мыкпиянӧс
Да купайтчам вель дыр.

Чӧд вотны мунам унаӧн.
И пыр жӧ шызяс вӧр.
Лӧз вомъясӧн, тыр чуманӧн
Ми гортӧ воам бӧр.

Видз вылын юръяс ваялам.
Сэн юрыс тырыс нач.
Здук зорӧд дорӧ саявлам
И бара тӧвзям скач.

Эм казьтыштны мый миянлы,
Кор воас сентябрь лун.
Ӧд пармаса ныв-пиянлӧн
Бур гожӧмыд оз вун.

Каникулъяс, каникулъяс —
Зэв муса, зарни кад.
Каникулъяс, каникулъяс,
Ми быдӧн налы рад!