КАДА ШЫЯС


Ловгӧн сувтлывлӧ, кывъяд инман да,
Жугыль жуглӧ, а нимкодь нимӧдӧ.
Аддзан кывйыслысь пыді сюрӧссӧ,
Гуся дзирдъясӧн сійӧ дзулӧдчӧ.
Тӧрыт тӧрӧма олӧм видзысьӧ.
Киӧн асалӧм аски виччысьӧ.
Ӧні «ӧ!»-нитлӧ ониш босьтігӧн,
Оз пӧ узьлыны аски восьтігӧн.
Коркӧ корӧны. Гашкӧ гажтӧмтӧ.
Войдор пемыдас, войлань мунӧма.
Кольӧм му эжас колльӧн вунӧма.
Кадыс кадъялӧ зыбуч лестукӧн.
Кадыс кадалӧ асъя петукӧн.