ИСКАРА

О, Искара, Искара, Искара!
Тан нырдъяс да косьяс — беда,
И, ломаліг син ёран искырӧн,
Сё из костті нялӧбтӧ ва.

Ме татӧні нэмнам эг ӧтчыдысь вӧв
И греб мыйта чеглавлі — 
Кыскас-ӧ вӧв!
Пыр ме вӧтӧді гы,
Пыр ме вӧтӧді гы,
Турун пур вылын вӧтӧді гы.

Ми олім лӧз Емва ю бокын;
Кӧть юыс зэв мича да бур,
Но турунӧн сэні зэв сьӧкыд,
И вот лоӧ кылӧдны пур.

Тэ кывтан, а сэтӧні изъяс
Тшем сувтӧмны туй вылад тэн.
Кӧть греб дорад мыйта он йиджлась,
Ва визывсӧ некор он вен.

О, Искара, Искара, Искара!
Тан нырдъяс да косьяс — беда,
И, ломаліг син ёран искырӧн,
Сё из костті нялӧбтӧ ва.

Ме татӧні нэмнам эг ӧтчыдысь вӧв
И греб мыйта чеглавлі — 
Кыскас-ӧ вӧв!
Пыр ме вӧтӧді гы,
Пыр ме вӧтӧді гы, — 
Аслам смертьлысь ме вӧтӧді гы.

Друг сетыштас ваыс из стенас,
Эн корсь сэки долыдӧс пай:
Веж гы вылын олӧмыд тэнад,
И пурйыд, и турун — прӧщай.

Эн пов: кӧть из стенас и зяткас,
Тэ эскы, мый ён миян пур — 
Оз пазав и водзӧ туй каттяс,
И ловъяӧн коляс на юр.

О, Искара, Искара, Искара!
Тан нырдъяс да косьяс — беда,
И, ломаліг син ёран искырӧн,
Сё из костті нялӧбтӧ ва.

Ме татӧні нэмнам эг ӧтчыдысь вӧв
И греб мыйта чеглавлі — 
Кыскас-ӧ вӧв! 
Пыр ме вӧтӧді гы,
Пыр ме вӧтӧді гы, — 
Аслам шудлысь ме вӧтӧді гы!