ИНӦ ӦШЙЫТӦМ ТОМЛУНБокысь гортӧ волывлі, — Сыысь гажтӧмсям. Но сэн этша овлывлі, Кайтісны бать-мам: Мый нӧ, воин ӧтчыдысь И он тӧд тэ ин — Мунан, быттьӧ ньӧтчыдысь Сикт эз аддзыв син! Батьӧй корис пукавны, Варовитны тшук: Кок пӧ кутіс юкавны, Ёнтыны быд здук. Мый нӧ, воин ӧтчыдысь И он тӧд тэ ин — Мунан, быттьӧ ньӧтчыдысь Сикт эз аддзыв син! А ме мунлі, кольлывлі Батьлысь керка сьӧр. Ог тӧд, коді тойлывліс, — Батьӧй тшук эз бӧрд: Мый нӧ, воин ӧтчыдысь И он тӧд тэ ин — Мунан, быттьӧ ньӧтчыдысь Сикт эз аддзыв син! Ӧні ачым бать нин ме, Гӧстьӧн локтіс пи. Радла — ог кыв ачымӧс, Пи жӧ — тэрыб би. Шуа: «Воин ӧтчыдысь И он тӧд тэ ин — Мунан, быттьӧ ньӧтчыдысь Кар эз аддзыв син!» Ме моз жӧ горт эновтӧ, Ассьыс чужан поз, Кӧсйӧ ставсӧ пановтны Тэрыб пӧтка моз. Шуа: «Воин ӧтчыдысь И он тӧд тэ ин — Мунан, быттьӧ ньӧтчыдысь Кар эз аддзыв син!»
