ИЧӦТ ДА ГАЖА


Сьӧд вӧр шӧрын пӧлӧстчӧмӧн
Ичӧт керка сулалӧ.
Сійӧс вӧчис менам батьӧ,
Тулыс-аръяс кыйсьыны.

Кыйӧ-выйӧ ар и тулыс
Дозмӧр, сьӧла, пӧткаяс;
Оз тай босьт сэн гажтӧм-шогыс,
Гортӧ шоча волывлас.

Чеччас асъя кыа бӧрын,
Шонді петіг-югдігас,
Ачыс горйӧ песъяс сюяс,
Сюмӧдторйӧн биасяс.

Пуас дозмӧр, сэсся пӧсь блин
Еджыд идйысь пӧжалас;
Бура затрекайтӧм бӧрын
Вӧрӧ кыйсьыны ветлас.

Сідзи олӧ миян батьӧ
Сьӧд вӧр шӧрын ӧтнасӧн;
Шуӧ: Мем пӧ сэні гажа
Овны ичӧт керкаын.