* * *

Уль кӧра тӧвру Эжва весьтті шӧйтіс
Да дӧзмӧдіс лӧнь вадор бадьлысь кор.
Вит югӧръяссӧ шонді юас вӧйтіс,
И йӧлӧгаыс дурис ворсігсор.

Сэк тӧдмасьлім ми югыд синма зонкӧд,
И нимыс сылӧн вӧлі сӧстӧм — Юль.
И кисьмӧм ӧмидз вӧлі сылӧн вом дор,
И сьӧлаозӧн окасис быд чульк.

Ак, гожӧм-зонмӧй, югыд синма войяс,
Ак, лежнӧг дзоридз — алӧй чужӧмбан.
И миян йылысь тэнад кыдзьяс-чойяс
Со чиктылӧмӧн вашкӧдчисны тан.

Ок, гожӧм-зонмӧй, кытчӧ пышйин-мунін?
Ӧд нуис тэнӧ юӧд арлӧн пыж.
А чойясыд нӧ? Важӧн нин ми вунім,
И ӧні налы казьтыштлыны дыш.

Оз ворсӧдчыны тӧвруыскӧд кыдзьяс,
Дзор пожӧм налы дасьтӧ тӧвся вон.
И сӧмын косьмӧм турунъяса видзьяс
Мем казьтылӧны — вӧлі гожӧм-зон.