ГОРТЫСЬ МУНІГӦН


Войвыв му кузя ме муна,
Муна ылі муӧ.
Няйт туй вывті арся лунӧ
Карко менӧ нуӧ.

Ньӧжйӧникӧн паськыд туйӧд
Рӧдтышта ме вӧлӧн.
Джуджыд козъяс, мича пуяс
Сувтӧма-сь туй пӧлӧн.

Гырысь грездыд воліс уна —
Ола нисьӧ узя.
Сиктыд кольӧ, водзӧ муна
Помасьтӧм туй кузя.

Помтӧг зэрӧ... Карко нуӧ
Кытчӧкӧ лунвылӧ.
Зумыш парма, чужан муӧй,
Кольны кутін ылӧ.

Шуд кӧ петас, гашкӧ, бара
Тэ ордӧ ме вола:
Гажа ягыд тэнад варов:
Здук кӧть сэтӧн ола.

Чужсьӧма кӧ менам шудтӧг,
Кольны лоӧ тэнӧ;
Гашкӧ, Карко (он тай кут тэ!)
Нуӧ дзикӧдз менӧ.