* * *

Енэжын пӧртмасьысь кодзув
Войбыд со лӧз биӧн сотчӧ.
Тӧлысь сэн — еджыд тшап дзодзӧг
Быттьӧкӧ кокасьӧ-вотчӧ.

Гашкӧ и мусуксӧ корсьӧ;
Повтӧгыд кузь тӧвся войыс.
Сылы моз аслым — ог соссьы —
Некодлы нюжӧдны сойӧс.

Стӧрӧж моз довъяла ӧтнам,
Ывла выв лӧньлунсӧ видза.
Ныланӧй-мусаӧй, кӧн тэ?
Шоглунӧс мыйла он личӧд?

Дзиръятӧ он восьты мыйла?
Ылын на югдандор лӧзыс...
Кодзувсӧ босьтлыны мый ли
Муслунӧс сьӧлӧмад ӧзтны...