ДЗУГСЬӦМ КАД


Лӧз лымйыс пӧтшва улын дзуртӧ.
Му эжыс йир моз рӧмпӧштанмӧма:
Со Лямпа туй, со Корӧсь чукӧр...
Сюрс синмӧн Енма Мусӧ панӧма.

И тӧдса миянлы, и тӧдтӧм
Му вылас паськыд Енэж гумсьӧма:
Друг быттьӧ кодзув лыдтӧм-тшӧттӧм
Енвевтсянь муӧ джынйыс усьӧма.

Ми сунсим нэмӧвӧйся вӧтас:
Ни ӧти морт на абу мӧвкъялысь,
И сӧмын кымӧр кывтӧ сьӧдас
Му пуксян кадся Енлӧн мӧвпъясысь.