* * *

Дзирйыв восьтіс ӧдзӧссӧ мен чӧвлун,
Тӧдса морт моз кежала сы ордӧ.
Сӧмын пашляк — еджыд синма кӧлдун
Кадысь кадӧ швачӧдчӧ зэв гора.

Пуяс йывті, тыртӧм лэбач поз кодь,
Кывтӧ шонді — койӧ кӧдзыд бисӧ.
Кыдз пу бокын мичаник том коз пу
Дирижёр моз шевкнитӧма кисӧ.

Лӧньӧдӧма пармалысь оркестрсӧ,
Медым сійӧ эз торк тӧвся мойдсӧ.
Джуджыд лымйӧн шылялӧма эрд со,
Еджыд няньшом быттьӧ кодкӧ лойӧм.

Сӧмын пашляк лыйсис медым эськӧ,
Кылісны мед мирнӧй взрывлӧн шыяс.
Весиг кыдз пу нимкодьысла сэки
Шуда синва водздӧранас чышкас.