ДУЭТКык ныв ӧшинь увті Рытгорув мунісны... Кер вылӧ пуксисны, Сьывны босьтчисны... Важӧн нин эг кывлӧй Ныв-зонлысь сьылӧм, — Гаж быри, измис, Чорзьӧма сьӧлӧм. Сӧдз небыд шытӧлӧн Лайкыда сьылісны. (Юраліс йӧланыс Керкаяс костті...) Кытікӧ — гораа, Кытікӧ — нораа... (Гашкӧ нӧ, менӧ Бурӧдны кӧсйисны). Сьылісны войдӧр: — «Вой шӧр кад... вадор... Тӧлыся вой... Ӧтнас оз узь, — Буксӧ сэн сюзь...» Оз нин ков, нылукъяс, оз, Оз нин ков, мусаяс, оз Сьывнысӧ тайӧ! Мӧдтор ті, нолтӧ, Босьтчывлӧй вайӧ! Ӧд Днепр ю дорад Абу нин «вой шӧр», Вой шӧрнас — Швач югыд лун шӧр. Йӧзыс оз узь, И оз бук сэн «сюзь»!.. Да мыйла нӧ Днепр?! Кодыр асланым тан Ломтысьӧ нерп. Со, эстӧн — Эжвасай, Габшор, Кӧн гижигас вӧліс Сӧм тургывлӧ тар Да буксывлӧ сюзь. Ӧні сэн — Муркӧдчӧ трактор И кер кыскӧ ггуузь! Да ӧд и ачыс «Важ» Тима Веньыс, Кӧть пуктӧны мыж, — Куш сійӧс оз гиж. Мед, кодлӧн Петӧ гажыс (Гашкӧ, лӧгыс), — Вӧйпас-вӧйтас! — Ме медводз сьылі Тэнӧ, пуӧй; Ме тэнсьыд кылі Шытӧ, вӧрӧй; «Ас дорӧм черӧн» Пӧрӧдлі ме кер, Тшӧтш лэдзлі вӧр; Лым питі йигыртлі, Эг вӧвлы нэр; Пурйӧн тулыс кывтлі... Тӧдлі-сьылі Ӧтув уджлысь кыпыдлун, И медводз Горӧдчывлі сьывны... Эжва юӧй! Сӧвет Коми муӧй! — Тэныд — Кыпыд сьыланкыв!
