ДУБИНУШКА


Уна кывлывлі ме сьыланкывъяслысь ног,
Мыйтӧм нюмыс и шогыс сэн кылӧ!..
Медся ёнасӧ нӧ мӧрччис сьӧлӧмӧ мем
Ӧти сьыланкыв уджалысь йӧзлӧн:
	«Эк, дубинушка, ухнем!
	Эк, зелёная, сама пойдет!
	Подёрнем, подёрнем,
	Да ухнем!»
Водзысь-водзӧ сідз дыр, вояс колины пыр,
Чужан му вылын унатор вежсис:
Плеть да зор — омӧльтор — ылӧ шыбитіс йӧз,
Важ кӧлуйтӧ кӧрт машина вежис.
	Ок, машинаыд тай кокньыд!
	Кӧрта кӧлуйыд тай лӧсьыд.
	Ачыс мунӧ, ачыс мунӧ...
	Кыдз лэдзан!..
Миян сар эз вӧв йӧй, сійӧ купечладор,
Лои купечыд сылы ён пыкӧд.
А роч мужиклы мый — ачыс машинатор,
Сійӧс йирӧмӧн йирӧ ас мортыс.
	Ок, машинаыд тай вӧлӧм сьӧкыд!
	Деньга кӧртыд бӧр дорис:
	Пикӧ воштіс, пикӧ воштіс
	Купечыд.
Энлы, виччысьлы тэ, миян вир юысь сар!
Ми ог кутӧй терпитны сідз водзӧ:
Ловзяс уджалысь йӧз, повзяс лёк кырныш став,
Вирӧн мынтыны кутас тэд водзӧс.
	Ок, дубинасӧ кӧ кутны кутас,
	Юр весьтад кӧ лэптас!
	Да кыдз ӧддзас, кыдз ӧддзас,
	Да — лэдзас!