ДОЙ

1942 вося декабр 17 лунӧ война вылын
 усис менам бать...

Дзебсис вӧр сайӧ дженьыдик луныс,
Колис морӧсӧ бурдлытӧм дой.
Шӧйтӧ ывлаӧд, воштӧма унсӧ
Дзуртысь кок шыа тӧвся сэзь вой.

Керка ӧшиньысь кусӧны бияс —
Куньӧ синъяссӧ, ойбыртӧ сикт.
Тышын усьӧм салдатъяслысь нимъяс
Быд лун казьтылӧ жӧч обелиск.

Шӧйта войыскӧд батьӧкӧд пыдди,
Бӧрдӧ-омлялӧ чеп йылын пон.
Ылын чусалысь кодзулыс быттьӧ
Батьлӧн чусалысь чигарка пом.