ЧУЙД ГУЯС

Поп Пугырын, сӧрладор бокас, зэв ыджыд гуяс выйимӧсь. Ӧні на найӧ тӧдчӧны. Мый сійӧ, точнӧя ог вермы висьтавны, но коркӧ сэтӧн овлӧмаӧсь кодкӧяс.

Войнаӧдз на кодкӧ тай воліс да дядьӧ менам сэтчӧ специальнӧ новлӧдліс петкӧдлыны гуяссӧ, кодйысьны на мӧдӧмаӧсь, абу тай жӧ сэсся кодйысьӧмаӧсь-а.

Коркӧ ми сэтчӧ сюрлім племяшкӧд. Бабаяс мунісны вотчыны протокаладор бокас, а ми сыкӧд уткаяс повзьӧдыштны мунім и как раз сэтчӧ, сэтӧн тай дзоля Гӧгрӧс Пугыр выйим, сэтчӧ. Сэтысянь ӧд зэв матын Поп Пугырӧдзыс, толькӧ сук баддя, перешеек, син водзад и выйим.

Сэсся Гӧгрӧс Пугырсӧ гӧгӧртім, зэв ӧд дзоля сійӧ, да, мися, вай висьтала племениклы, вуджам бабаяс дорӧ, нинӧм тай жӧ утка абу-а.

Мунім бадь костӧдыс. Туй на сэтшӧм, ота кодь и выйим, нуӧдӧ сэтчӧ. Сэсся мунім, мунім и бӧр Гӧгрӧс Пугырас воим. Мый нӧ тайӧ? Вай, мися, мӧдысь пробуйтам. Тэ водзын, а ме, мися, тэ бӧрсяньыд кута направляйтны.

Мунім, мунім и бара бӧр воим Гӧгрӧс Пугырас. Ӧні бара, мися, вай ме водзын муна, а тэ бӧрсяньӧдӧ. Сё метраыс на ӧд сэтӧн абу, кыдз, мися, ог вермӧ вуджны?

Мунім, мунім да бара бӧр гуяс дорас очутитчим...

Лои сӧр^сӧр — адз, уйт; куръя/^ вомӧныс, берег пӧлӧныс сэсся мунны, ваӧдыс да туруна вутшъюръясӧдыс. Кӧтасим, но воӧдчим жӧ сэсся Поп Пугырӧ.

Бабаяслы на висьталам да оз веритчыны.