* * *

Черань везъясті лов шыӧн локтӧма ар, —
Еджыд войтъяса лысваын-бисерын.
Асъя пужъясӧн — гылалӧм коръясті —
Ар,
Быттьӧ кодзулӧн киссьӧма.

Быттьӧ гылалӧм вӧр —
					чӧлас кывзысьӧ лов,
А тэ лэбалысь коръяссӧ куталан...
Найӧ ньӧжйӧник енэжсьыс лэччӧны со,
Тэнад киясӧ — шуд вылӧ.

Коръяс-вуджӧръяс. Ки вылын тіралӧ йи,
Черань везъясӧ ордымъяс вошӧны.
Коръяс-вуджӧръяс, кельӧбӧн лэбанныд ті
Меӧн вӧталӧм гожӧмӧ.