* * *

Быттьӧ вӧла-доддя, мелань нырӧн
Рӧдтӧ кымӧр — гымӧн сиктӧ пырӧ.
Оз и дугдыв, чань моз енэж гӧрдлӧ,
Быттьӧ пӧльӧ куритчӧмла пӧдӧ.
Град выв табак нэм чӧж сійӧ шпуткис,
Куритчигас сьӧлӧмыс и сувтіс.
Пысасис кузь пожӧм йылӧ кымӧр,
Гымалӧмла кок ув муыс сырмӧ.
Шутьлялігтыр синтӧм тӧв ныр жӧдзӧ,
Гурйыв, кылӧ, восьтіс кильчӧ ӧдзӧс.
Зэрыс киссьӧ-шливгӧ уна вожӧн,
Быттьӧ пӧльӧ пыдзралӧ дзуг тошсӧ.