БӦРЪЯЫСЬ ОКЫШТЧИН СЭК


Шудтӧм сэк гожӧмыс вӧлі:
Бӧръяысь окыштчин сэк...
Сэксянь тэ, мичаник дӧва,
Верӧстӧ виччысян век.

Сідзи тай артмӧма олӧм:
Ӧтиысь чужлӧ быд морт.
Вӧтъяснад верӧсыд волӧ
Видлыны сё муса горт.

Садьман да, шобрӧдлӧ весиг, —
Мый вӧчны — ачыд он тӧд.
Синвасор пернапас чӧвтан,
Ок эськӧ збыльмис кӧ вӧт!

Дӧвалӧн синъясысь сӧдзджык
Мӧдтор эг аддзыв морт нэм.
Дӧвалӧн синваысь пӧсьджык
Мыйкӧ мӧй свет вылас эм?!