* * *

Алӧй дӧрӧма асылыс лӧнь,
Садьмӧм кага моз синъяссӧ тільӧ.
Сӧмын Джеджимъю — пармалӧн вӧнь —
Баддя берегъяс костӧдыс зильгӧ.

Мамлӧн партук кодь енэжыс лӧз,
Лысва дзирдъяса туруна эрдыс,
Кӧні асывсӧ рӧмидзтысь мӧс
Чукля сюр пырыс нёньӧдӧ-вердӧ.

Кӧнкӧ ылын зэв кӧкыштлӧ кӧк,
Пыр мен этшаджык лыддьӧдлӧ вояс.
Жаль, но мортыдлӧн сэтшӧм нин рӧк:
Бытьӧн воасны югдывтӧм войяс.

Зарни синлыска пуксьӧ на лун,
Вайӧ Эскӧм и Лача, и Муслун.
Шоныд войыскӧд воштім ми ун.
Рытъя кыаыс эз быттьӧ-й куслы.

Кушмӧ ныр улысь чернила доз,
А ме чигарка ӧтарӧ песта...
Ассьым выль кывбур кагаӧс моз
Тэныд, чужан му, моздорысь сета.