* * *

Ачыс муыс тулыс водзын
Еджыд шапкасӧ со пӧрччис.
Ӧшкамӧшка сылы водзвыв
Шытӧг восьтіс дзиръя ӧдзӧс.

Зарни шонді соддзӧн койӧ
Чужӧм вылӧ зарни берин.
Парма весьтын югыд войыс
Лэбысь пышкай кодь жӧ тэрыб.

Быгъя шор со сьылӧ-дзольгӧ.
Эрдын мыччысьӧ веж турун —
Быттьӧ тӧвру сэтчӧ кольӧ
Ас бӧрсяыс мича бурысь.

Челядь чукӧр ворсӧ мачӧн,
Ворстӧг сьӧлӧмныс оз инась.
Мый эг сяммы гижны ачым,
Лыддьӧй тулыс-нывлӧн синмысь.