1989ʼ ВОЛЫ

Ывла югдӧма
едждӧдӧм мусьыс.
Тӧрыт лунтыр ӧд
небыд лым усис.
Талун кӧдзыдыс
чеплялӧ ныртӧ.
Коми муным тадз
Выль воӧс пыртӧ.

Медым дзоньвидза вӧлі
во чӧжыс.
Мулы тырмымӧн
зэрис и пӧжис.
Бӧръя часӧдзыс
зэв шаня оліс.
Быд морт сьӧлӧмӧдз
Шудлунӧн воліс.

Мед эз ышнясь
да повзьӧдлы йӧзсӧ.
Видзис ясыда
енэжлысь лӧзсӧ.
И мед бурдӧдіс
быдӧнлысь дойсӧ.
Сьыліс-йӧктіс на
медбӧръя войсӧ.