ӦНЬӦ-МАКӦ

Оліс-выліс ӧньӧ-макӧ. Сылӧн вӧлі вит монь: сёй монь, сюмӧд тупыль монь, турун кӧрӧб монь, рос монь да гадь монь. Ӧньӧ-макӧ ачыс век педзӧ. Сёй моньӧс вала ыстас. Зэрмас, дай сёй монь нильзяс. Сюмӧд тупыль моньӧс ыстас пывсян ломтыны. Сійӧ истӧг тувсӧ ӧзтас, а биыс бӧжас кутчысяс, дай сотчас. Турун кӧрӧб моньӧс ыстас мӧслы турун сетны. Тӧв пӧльыштас, да турун кӧрӧб моньӧс мӧслы вомас нуас. Мӧс сійӧс сёяс. Рос моньӧс ыстас сарай чышкыны, да джодж плака костӧ сибдас. Гадь монь сералас, сералас дай потӧ.

А ӧньӧ-макӧ век педзӧ.