ЮГЫД ДОЛЯ ЙЫЛЫСЬ ПЕСНЯЛунсянь пӧльтӧ небыд тӧлӧн, Гӧгӧр ӧвтӧ аромат. Синмӧн судзтӧм муяс пӧлӧн Нывъяс восьлалӧны надз. Эх, вай ворс тэ, баян, Мича шынад ӧзты сьӧлӧм, Медым би эз куслыв сэсь, Вӧліс удж вылӧ век пӧсь! Нывъяс чужӧм вылын шонді, Ӧзйӧ вомдораныс нюм. Мортысь джуджыд быдмӧ шобді, Чужтӧ радлун сылӧн шум. Помтӧм зарни шобді гыас Олӧ нывъяслӧн том шуд. Сійӧс вайис лывкыд кинас Налӧн асланыс пӧсь труд. И колхознӧй муяс весьтті Лэбӧ кыпыд сьыланкыв — Югыд доля йылысь песня, И быд помын долыд шы. Эх, вай ворс тэ, баян, Мича шынад ӧзты сьӧлӧм, Медым би эз куслыв сэсь, Вӧліс удж вылӧ век пӧсь! 1954 во.
