ЭН КОЛЬ МЕНӦ, ЧЕЛЯДЬДЫР


Дзебсис йӧжгыльтчӧм шонді
Бӧрдысь кымӧръяс сайӧ.
Букыш арыд оз шонты —
Сӧмын сьӧлӧм дой вайӧ.

Вой тӧв омлялӧ-бӧрдӧ
И оз инасьны вермы.
И он кут сійӧс кӧртӧн —
Оз нин тӧд, мый и керны.

Тӧлыс нетшыштіс пуысь
Бӧръя тіралысь корсӧ.
Менсьым челядьдыр нуис,
Сійӧн шыбласьӧ-ворсӧ.

Сӧмын йизьӧдысь турӧб
Шогӧс менсьым эз кывлы.
Ичӧт кадӧс тшӧтш дуриг
Сійӧ лэбӧдіс вывлань...