ЭДВАРД ГРИГ


Кор кывзі медводдзаысь Григӧс,
Друг шензьӧм шымыртіс и полӧм:
Ме быттьӧ восьті тӧдтӧм книга,
А нимыс книгаыслӧн — олӧм.

Сэн шог и радлун, нюм и синва,
Сэн кӧдзыд толаяс и вежӧд.
Выль мича мирлань восьтіс синъяс
Мем ыджыд сьӧлӧма норвежец.

Сы мында чувство тыртіс морӧсӧс,
Мый весиг тӧдтӧм вӧлі мукӧд...
И уна боксянь ассьыд оласног
Донъялан выль пӧв татшӧм здукас.