ЧЁРНӦЙ МОРЕЛЫ ПРӦЩАЛЬНӦЙ КЫВ


Сэн ломалӧ маяк, тан крейсер вундӧ гы...
Ме медбӧръяысь аддза тэнӧ, Чёрнӧй море.
Ас мелілуннад дінад сьӧлӧмӧс тэ дорин,
Кор мунӧм йылысь казьта, вошӧ гӧлӧс шы.

Ме тэкӧд тані ӧтвыв юки шог и гаж,
Кыдз кужи, тэнад мичлун йылысь ас ног сьылі.
Пыр долыд пульстӧ аслам сьӧлӧмӧн ме кылі,
И эзысь кывзысис струна, кӧть вӧліс важ.

Ог вунӧд тэнӧ ме дзик некодыр, лӧз эрд, — 
Пыр кутан пожъявны тэ менсьым сьӧлӧм берд,
Кӧть тэсянь лоа ме и войвылын зэв ылын.

Ме сьӧрысь нуа тэнсьыд мича эзысь гы,
Мед лун и вой ме кылі сылысь бузгӧм шы
Да сьылі долыда ас паськыд Эжва вылын.

1962 во.