ТӦДСА КЕРКА ДОРЫН


Ме ӧні матыстчыны пола,
Но сьӧлӧм весьшӧрӧ оз эльт,
Мый август рытӧ татчӧ волі
И вӧлі август, кыдз апрель.

Кок увса ёль моз муні варов.
Ми гӧгӧр сӧстӧм ывла выв.
И вӧлі дивитана пара:
Шӧр арлыда и том на ныв.

Мед мирыс синма, пеля, кока,
Мед медся йӧзаиныс тан,
Ми эгӧ видзӧдлывлӧй бокӧ
И вӧлім сӧмын воча бан.

Кӧн тайӧ рытыс, кӧні нылыс?
Оз овлы кузьӧн мича мойд.
И сӧмын видзӧдӧ ме вылӧ
Рам тӧлысь — менам муса чой.