ТУРУН ПУКТӦМ


Со тай, майбыр,
Гожӧм жарсӧ сетіс.
Том и пӧрысь
Видзьяс вылӧ петіс.

Гыма кымӧр
Повзьӧдыштлас недыр.
Ӧшкамӧшка
Бара нин кыдз мегыр

Кусыньтчӧма
Сикта-юа вомӧн.
Пукалыштам недыр
Зорӧд помын.

Оз кӧ куртны шогмы,
Уджыд сюрас.
Зонка майӧгъясла
Вӧлӧн тюрас.

Аньяс оз на чӧвтны
Кисьыс куран.
Бергӧдлӧны-пыркӧдӧны
Турун.

Мужикулов
Зорӧд пиньяс ёсьтӧ.
Гожся шонді
Турунсӧ бӧр косьтӧ.

Тӧв ныр, мыжа морт моз,
Кымӧр вӧтлӧ.
Кисьтнытӧ пӧ тырмас,
Сэсся пӧтлӧ.

Лэччы карӧ,
Бус-няйтсӧ сэсь мыськы.
Миянӧ бӧр локтан
Турун пуктӧм мысти.