СУВТЫШТЛӦЙ!


1.
 
Медводдза лымйыс мыжтӧм да сэтшӧм сӧстӧм…
И би водзын югъялӧ кодзувъясысь ярджыка!
А ме кок туйӧс сы вылӧ коли.

2.
 
Мамӧлӧн дзоридзыс ӧшинь дорын
Арся лунӧ воссис. Матысті киӧс —
Кӧдзыдӧн сы дінысь ӧвтыштіс.

3.
 
Завидьта шонділы. Лунысь лун
Кыпӧдчӧ сійӧ мичлуныслӧн
Вылыс тшупӧдӧдз.

4.
 
Колиплӧн мелі сьылӧм сувтӧдіс менӧ 
Дзоляник чегӧм пелысь дорӧ
Здук кежлӧ.

5.
 
Ланьтӧма ки пыдӧс вылам гаг.
Мый вӧча сыкӧд,
Виччысьӧ рама.

6.
 
Гӧгрӧс гоб-тупылёк радпырысь
Шонӧдчис дзирыд югӧръяс улын.
Вешйи.

7.
 
Сӧдз да ясыд войт
Личкӧма ас улас
Ичӧтик кыдз пу кор.

8.
 
Гижалі лыа вылӧ гуся кӧсйӧмъясӧс.
Виччысьтӧг воӧм тӧвру 
Разӧдіс найӧс.