* * *


Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн вӧлыс вошӧма.
Стрӧйӧ, коньӧрӧ, кутшӧм нӧ тэнад вӧлыд?
Тшая кока, зарни бурыся.

Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн мӧскыс вошӧма.
Стрӧйӧ, коньӧрӧ, кутшӧм нӧ тэнад мӧскыд?
Сьӧд пеля, былькъя кымӧса.

Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн межыс вошӧма.
Стрӧйӧ, коньӧрӧ, кутшӧм нӧ тэнад межыд?
Шӧвк гӧна, зарни сюра.

Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн порсьыс вошӧма.
Стрӧйӧ, коньӧрӧ, кутшӧм нӧ тэнад порсьыд?
Зарни гыжъя, эзысь щӧтя.

Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн чипаныс вошӧма.
Стрӧйӧ, коньӧрӧ, кутшӧм нӧ тэнад чипаныд?
Кӧнтусь сера, гӧрд сорса.

Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн петукыс вошӧма.
Стрӧйӧ, коньӧрӧ, кутшӧм нӧ тэнад петукыд?
Косаа бӧжа, мича гӧлӧса.

Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн каньыс вошӧма.
Стрӧйӧ, коньӧрӧ, кутшӧм нӧ тэнад каньыд?
Кӧпейка бӧжа, лайкъя коска.

Стрӧй коньӧр корадодь вӧчӧ,
Стрӧйлӧн гӧтыр посни шыдӧс изӧ,
Стрӧйлӧн коньӧрлӧн понйыс вошӧма.
Стрӧйӧ, коньӧрӧ, кутшӧм нӧ тэнад понйыд?
Катшыса сьыліа, сувтса пеля.