СТАРИК

Оліс-выліс странник зэв бура, зэв Еннога. Винаяс эз ю, табак эз курит. Уналаӧ нин сійӧ вӧлі волӧма: Киевӧ и Мӧскваӧ, Сӧлӧвкиӧ и Ерусалимӧ. Кытчӧ вӧлі пырас — озыр ордӧ ли гӧль ордӧ — век вӧлі бур вылӧ велӧдӧ. «Вина юӧм пӧ — медыджыд грек, вина юӧмысь кӧ пӧ дугданныд, джын грекныд чинӧ,» — век вӧлі шуӧ.

Ӧтчыд сійӧ старик-странник ӧти деревняӧд ӧшинь увтіыс мунӧ. Сійӧ керкасьыс баба петас кильчӧ вылас, и шуас сылы странник: «Менӧ пӧ он лэдз шойччыштны керкаад?» — «Лэдза пӧ, кыдз ог лэдз шойччыны, пыр шойччы!» — «Ме пӧ паччӧр дорад ог кайлы шойччыштны ӧти здук?» Баба шуас: «Кай, кай, дивъя пӧ гӧсьт локтін, талун пӧ менам ещӧ рӧдитель казьтылан лун, квайт неделя». Странник паччӧрӧ каяс, сёр вылӧ пуксяс. Сэсся гӧстяяс, казьтылысьяс ӧбеднясьыс вичкосьыс воасны, пуксясны сёйны пызан гӧгӧр. Воас и рӧдитель, кодӧс вӧлі казьтылӧны, и быд морт дінӧ пуксьылас сёйигад, толькӧ молитватӧм баба дінӧ оз сибав. Вот кыдзи вошйыліс рӧдитель.

Сійӧ аддзылӧма странникыд и висьталӧма кӧзяйкаыслы.