СИКТӦ КОЛЛЬӦДӦМТалун клубӧ чукӧртчӧма став завод: Кыпыд том йӧзлӧн сэн мунӧ хоровод. Ыджыд гажыслӧн оз тыдав некӧн пом, — Сиктӧ колльӧдӧны ёртъяснысӧ ныв и зон. — Сиам тіянлы выль местаын бур удж. Пӧкӧритны паськыд нюръяс, пемыд вӧр, Медым быдтыны сэн шобді — мортысь кузь И мед урожайыс сылӧн складъясӧ оз тӧр! — Ыджыд аттьӧ, дона ёртъяс, шуам ми, Мый сідз пӧся ставныд колльӧданныд ті! Вочавидзам: вынъяс миян уна эм — Ставсӧ сетам вӧчны ещӧ долыдджыкӧн нэм. — Пӧсь, ён дружба миян некодыр оз ор, Сійӧ лоас ещӧ ёнджыкӧн, кӧть кор. Ӧта-мӧдлы кутам отсавны ми пыр, — Миян сьӧлӧмъясным ыджыд радейтӧмӧн тыр! Клубӧ талун чукӧртчӧма став завод: Кыпыд том йӧзлӧн сэн мунӧ хоровод. Ыджыд гажыслӧн оз тыдав некӧн пом, — Сиктӧ колльӧдӧны ёртъяснысӧ ныв и зон. 1954 во.
