ПЫЖВизыв ю паныд ме ката, Омӧля тай сӧмын катсьӧ; Сына, сына, а ог вӧрзьы, — Эг-ӧ сибды нин ме татсьӧ? Ва дорас со тӧдчӧ понӧль, Сійӧ весьтын важӧн тӧдчӧ; Сына, сына… Гашкӧ, кульпу Сійӧ менам бӧрӧд вӧтчӧ? «Сынӧпта жӧ, сынӧпта ме! Пыжӧй вӧрзис, пыжӧй кайӧ Гыяс вылысь гыяс вылӧ — Ӧні пасӧй коляс сайӧ!» «Сынӧпта жӧ, сынӧпта ме!» А кор шуалі ме тайӧс, Визыв ю вылын нин бара Ачым коли понӧль саяс. Ой, ой, важинсьыс тай пыжӧй Абу вӧрзьылӧм на-й ӧні; Сӧмын гыяс выльысь-выльӧ Дзибыр улын вежласьӧны! 1860. Москва.
