ОЛӦМ ВИЗЬ


Ме ӧтчыд гижа тэ йылысь. 
Позьӧ?
Ӧд некод оз тӧд, коді тэ.
Эскан?
Тэ шулін — ставсӧ гижӧма водзвыв.
...Му вылас тэтӧг кӧдзыд да дзескыд.
Ки пыдӧс вылам — крестасьӧм визьяс,
Ме кӧсйи тӧдны, кузя-ӧ ола.
Тэ сэки индін: «Со олӧм визьыд,
И эска — дыр тэ, мадаӧй, олан…»

Со локті югыд крест дорад ӧтнам,
А ылын-ӧ тэ, юавны пола.
Ок, кутшӧм этша сетӧма тӧдны…
Кор ловзяс кулӧм, кор кулас олӧм?
И кӧн ми лоам — ичӧтӧсь, жебӧсь,
Дзик кывтӧм пемӧсъяс.
Енмыслысь корам...
Тэ дженьыд визьтӧ меысь сэк дзебин,
А менам — ори. Кык пельӧ ори.