ОКТЯБРЛӦН АЛӦЙ СТЯГКыза ӧшалысь кымӧръяс костті Нэмъяс югӧрсӧ шонді эз кой, — Кыдз роч ной, Сьӧд сэн ӧшаліс вой. Мырсьысь войтырлӧн пӧсьныс эз косьмыв, — Лун и вой найӧ мыркисны удж, Сьӧкыд удж, Но эз волыв бур сутш. Алӧй стяг — Долыд стяг Мездлысь кыпӧдіс Ыджыд Октябрь. Ленин ёрт Вын и борд Сетіс, тышын мед сьӧлӧм эз ёнты. И Октябрь — Гӧрд Октябрь Восьтіс му вылӧ югыд, выль нэм, Усис нартлӧн из куд. Сэсся мӧдысь оз сувт, — Ӧзйӧ юр весьтын Шудлӧн яр шонді! Мунам водзӧ ми паськыд выль туйӧд, Украинец и коми, и роч. Туйлӧн водз... Сэтшӧм мичаыс шоч — Ыджыд вермӧм сэн быдлаын юргӧ: Вежис тундра, пустыняяс морт, Сылӧн борд Веніс космослысь от. Оз нин пемдыв важ кадся моз енэж, Нэмсӧ олас Сӧветъяслӧн му — Вӧльнӧй му, Томмӧм, вынйӧра му, Коді туй вывсьыс ставсӧ дзик венӧ. Пуктім подулас крепыдӧс из. Коммунизм Ассьыс югнитас би. Алӧй стяг — Долыд стяг Мездлысь кыпӧдіс Ыджыд Октябрь. Ленин ёрт Вын и борд Сетіс, тышын мед сьӧлӧм эз ёнты. И Октябрь — Гӧрд Октябрь Восьтіс му вылӧ югыд, выль нэм, Усис нартлӧн из куд. Ӧзйӧ юр весьтын Шудлӧн яр шонді! 1967
