ОЗ ВОТЫСЬЯС


Небыд лунтӧла гажаник лунӧ
Стасик вотчыны бабыскӧд мунӧ.
Ичӧт Стасиклӧн ичӧт и дозйыс,
Сӧмын омӧля содӧ сэн озйыс.
Дозйӧ пыдди век веськалӧ вомас —
Кисьмӧм озйыд ӧд абу тай шома!
Кодыр бабыслӧн туисыс тыри,
Вотлӧм озйыс тшӧтш Стасиклӧн быри.
Бабыс казяліс: — Тыртӧм тай дозйыд!
Мый нӧ оз ӧмӧй сюрав тэд озйыс?
— Эг кӧ сёй эськӧ, тэысь нин уна, —
Стасик нурбыльтіс, — гортӧ вай мунам.