НАРОДЪЯСЛЫ МИР


Бара кымӧръяс ветлӧны сьӧдӧсь,
Став му пыркнитан вӧзйӧны гым.
Бара тшӧгӧм банкиръяссянь ӧвтӧ
Выль война ӧзтан факелысь тшын.

Шонді ӧзйӧ мед яр,
Мед эз аддзыв му шар
Трудӧн олысь народъяслысь вир,
Алӧй вир,
Сувт став морӧснад, ёрт,
Да победа тэ дор,
Медым ёнмис да дзордзаліс Мир!

Ми ог полӧй банкиръяслӧн грӧзысь,
Налы шуам ми грознӧя: — Нет,
Вир не кисьтыны уджалысь йӧзлысь
И не сотны пӧжаръясӧн свет!

Колян бушколӧн вӧчалӧм шрамъяс
Миян телӧысь ӧнӧдз эз быр.
Ми ог кӧсйӧй, мед бӧрдісны мамъяс,
Сирӧтаяслӧн паськаліс лыд!

Чӧвтны юр вылӧ атомнӧй бомба
Уолл-стритын оз думайтны мед:
Йитӧ мирса народъясӧс дружба,
Сійӧс жугӧдны выныс оз шед.

Шонді ӧзйӧ мед яр,
Мед оз аддзыв му шар
Трудӧн олысь народъяслысь вир,
Алӧй вир,
Сувт став морӧснад, ёрт,
Да победа тэ дор,
Медым ёнмис да дзордзаліс Мир!

1949 во.