* * *

Мыйта вермӧны
Шудсӧ сетны
Тэнад матыслун,
Тэнад синъяс!
Керка пытшкысь кӧ
Ӧні петны,
Пыр жӧ олӧмысь
Мыйкӧ чинас...

Виж рюкзак.
Сэні шоныд дӧрӧм.
Компас — 
Тэд моз жӧ сылы эска.
Кыкӧн
Ас позйӧ бура тӧрам,
Кӧть и ывлаын дорысь
Дзескыд.

Ньӧжйӧ курткаысь
Видлін кизьяс...
Бур кыв шуны мед,
Мӧвпъяс гартлан.
Шкапын, книгаяс сайын,
Изъяс.
Ачыд тӧдан тэ:
Сэн жӧ-й карта...

Бара письмӧяс,
Мелі кывъяс.
Гашкӧ, сійӧн тэ
Сэтшӧм муса,
Мый тэ медбура
Менӧ тӧдан,
Тӧдан:
Радейта войвыв мусӧ.