МОРТ ОЛӦММетрикаад, дяк, Кыдз тэ кужан ляк! Тэ ног, мем дас сизим во? Ылӧ сідз оз ло! Ассьыд висьтав мем, Да ас межлысь нэм… Мортлысь вежа олӧм рӧд, Аддза, тэ он тӧд. Ме дас сизим во Джудждаммиг эг вӧ Ӧнӧдз морт нимӧдз. И коз Быдмӧ миян моз. А ме лоа морт! Аддзан, гижанборд Кыдзи быдмӧм ки вылын: Виршын эм нин вын. Оз кӧ меысь пет Гижысь и поэт, Бӧрд пыдди ме босьта чер —- Менам лоас сер. Оз кӧ меысь пет Некутшӧм поэт, Мед оз пет и пӧнӧмар, Гӧрдлысь, сӧрысь, яр… Ог кӧ аркирей, Лоа мед ерей, Гашкӧ, лоа офицер — Менам артмас сер. Уна гырысь сан, Этша ён талан, Кодлысь войтыр кывзӧ гор, Веськыд шензянтор. Ыджыдлы и юр Лэптавлыны бур… Лоа кӧ бур сьӧлӧма, Ме нин морт нима! Усяс дона пуд, Кор ме йӧзлы шуд Сета… Кутшӧм шуд? Он кут Рифма вылӧ тут. (1857)
