МИ МУНАМ ВӦЛІ


Ми мунам вӧлі мостки кузя.
И юрси гыӧртӧма — дзор:
Ён лыйсис кӧдзыд. Кар жӧ узис.
Но миян сёрниным эз ор.

Тэ висьталін мен тулыс йылысь,
Кор потӧ кор и ловзьӧ цвет,
И мортыс томӧн лолӧ выльысь,
И сылы мудзлуныс оз пет.

А ме друг видзӧдлі сэк вылӧ,
Кӧн кодзувъяслӧн хоровод.
Эз, менӧ синмӧй сэк эз ылӧд, — 
Выль биӧн югдіс енэж от.

Ас вӧчӧм лэбис сэті кодзув
Да койис шондіыслысь дзирд.
Мый шуны? Тулысыс — син водзын, — 
Туй кужим Марсӧдз восьтны ми.

1962 во.