МИ ВЫЛЬМӦДАМ ТУНДРА И ПАРМАСтав уличьяс вӧччӧмны талун, Гаж юралӧ любӧй кварталын. Том ломалӧ вир, И восьлалам ми Ас шуд йылысь ыджыд мечтаӧн. Дона ёрт, Муса ёрт, Ӧтвыв миянкӧд восьлав тэ вай! Сӧмын труд Вайӧ шуд, — Уджӧн томмӧдам ассьыным край. Ми выльмӧдам тундра и парма, Сэн кыпӧдам мича выль каръяс, Пыр вежмӧдам сад И панъям збой кад, — Скӧр ывласӧ вежам ми ставнас. Колхозын, заводын и вӧрын Пыр ветлӧ отвага ми сьӧрын. И быдлаын ми Ён дружба да Мир Ас уджӧн народъяслы дорам. Ми — уджалысь нывъяс да пиян И думъясным югыдӧсь миян. И сьӧлӧмысь ми Став ыпъялан би Сӧветскӧй отчизналы сиам. Дона ёрт, Муса ёрт, Ӧтвыв миянкӧд восьлав тэ вай! Сӧмын труд Вайӧ шуд, — Уджӧн томмӧдам ассьыным край! 1955 во.
