МИЯН ВӦРЫНШувгӧ, увгӧ гажа шыӧн Миян паськыд коми вӧр. Некор чӧв оз овлы сылӧн Гажа яг выв, парма шӧр. Ар и тулыс, тӧв и гожӧм Сійӧ сулалӧ пыр веж. Сус пу, ньыв пу, коз и пожӧм Мичаӧсь во гӧгӧр чӧж. Парма пытшкын помся юргӧ Ыджыд уджлӧн кыпыд гор. Электропилалӧн жургӧм Лунтыр кылӧ водз и сёр. Дружнӧй войтыр ӧтув вынӧн Лэдзӧ Рӧдиналы кер. Уджлысь ӧд оз торклы нинӧм — Тӧвся лым ни арся зэр. Вдохновеннӧй трудӧн тані Миян войтыр дорӧ шуд. Война ӧзтысьяслы паныд Тайӧ кыпыд мирнӧй труд. Шувгӧ, увгӧ гажа шыӧн Миян вӧрным вой и лун, Дона Рӧдиналы сійӧ Сетӧ ассьыс озырлун.
