МИРНӦЙ ТРУД


Ми вӧльнӧй муын олам,
Сӧветскӧй дружнӧй йӧз.
Ми пикӧ эгӧ волӧй,
Кор кыптыліс ён грӧз.

Фашистъяслы ён киӧн
Ми вӧчим чорыд суд.
А ӧні пуӧ миян
Зэв кыпыд мирнӧй труд.

И гожӧмын, и арын,
И тӧлын, и кӧть кор,
Быд сиктын и быд карын
Зіль уджлӧн юргӧ гор.

Выль стройка кыптӧ, кайӧ,
Выль фабрика, завод, —
Пыр лэптӧ, лэптӧ найӧс
Пӧсь сьӧлӧма народ.

Ми быдтім быд колхозын
Обильнӧй урожай.
Ён вынйӧра да озыр
Сӧветскӧй миян край.

Победнӧй знамя улын
Победнӧй мирнӧй труд
Пыр вайӧ рӧднӧй мулы
И озырлун, и шуд.

1947 во.