* * *

Ме тӧда,
мый овлӧ зэв сьӧкыд.
Мый измылӧ сьӧлӧмыд, лолыд...
Мый эскыны йӧзыслы полан.

Сэк казьтышт, мый орччӧн ме тэкӧд!
Мый олӧмыс
Пыдӧстӧм-помтӧм.
Мый ветлан кӧ кытчӧкӧ,
Локтан
Век гортад.
И шондіыс вольсалӧ туйсӧ.
Да югӧрыс сылӧн оз вош
Ни оз куслы.

Мый кадыс оз помасьлы некор:
Кӧть мыйта эн сёрнит,
Кӧть мыйта эн серав, –
Быд кывтор, быд шуӧм
Зэв колана...
Ина.
Вӧтӧн ли, вемӧсӧн, куньса ли синмӧн...
И ставсӧ ме кыла да пуктыла
Пыдди.
И анбур моз
Олӧмсӧ
Ӧтлаын лыддям...
___________

Кор овлӧ зэв сьӧкыд
Да измылӧ лолыд,
Сэк казьтышт, мый кодлыкӧ
Зэв ёна
Колан.