МЕ ТЭНӦ РАДЕЙТАМе тэнӧ радейта — Став сьӧлӧм тэӧн тыр, Кыдз ытва сывйӧн Паськыд Эжва берег. И морӧсысь оз веськав, Оз веськав сэтшӧм сэрӧг, Кӧн эськӧ тэ Кӧть ӧти здук эн кыв. Ме тэнӧ радейта, Кыдз ассьым чужан му, Кӧн эзысь вӧньӧн Чуклялӧны юяс, Кӧн миян помтӧм муяс, Кузь шептӧн ӧвтчысь муяс И ӧзйӧ югыд шондіӧн Став луд. Ме тэнӧ радейта, Кыдз ассьым ыджыд шуд: Тэ синъясысь ме аддзи Джуджыд море, Код плавайтны лӧз эрдас Збой сьӧлӧмъясӧс корӧ, Мед нимӧдны Сӧветскӧй вӧльнӧй му. Ме тэнӧ радейта — Став сьӧлӧм тэӧн тыр, Куш сӧмын тэӧн, — Мен тэ — югыд тулыс, Код дзоридзьясӧн кышӧ Став веркӧссӧ веж мулысь. Ме тэнӧ радейта, И ӧтнадӧн ме тыр! 1963 во.
