МЕ ЛОА СӦМЫНМе лоа сӧмын ичӧтик ва войтӧн Йӧз олан мирас, но став сьӧлӧм тыр Народ дінӧ пӧсь муслунӧн, и ойдӧ Мӧвп сы йылысь, мед вынъяс сетны пыр Ас чужан муӧс вӧчны ёнӧн, бурӧн, Мед сійӧ сулаліс, кыдз венны позьтӧм креж. И шуӧмсьыс ме кывкута ас юрӧн, И кӧсйӧмӧс ён биа смерч оз веж! Ме уджын да ён тышын быдмӧм зон, Сӧветскӧй морт ме — сьӧкыдысь ог пов, — Ме сійӧс мукӧдъяскӧд ӧтмоз юка. Мед ачым абу ён, но вына менам лов, Ас му вӧсна ме тышӧ дась быд здукӧ, Зэв сьӧкыд туй, но кокниджык оз ков! 1949 во.
