МЕ КАРЫСЬ ЧУЖАН СИКТӦ ЛОКТІ


Ме карысь чужан сиктӧ локті,
А менӧ некод нин эз тӧд,
А шыаси да — но, ті воктӧ
Кысь тӧдан — карад олӧм мӧд.

А збыль мӧй вежси сэтшӧм ёна?
Ӧд сӧмын тӧлысь кык эг вӧв,
Ӧд чужан сиктӧй важ моз дона...
А паныд локтысь — олӧ чӧв.

А збыль мӧй сэтшӧмӧн и вӧвлі,
Мый петӧм бӧрын дзик жӧ пыр
И вуні, быттьӧ сетчи тӧвлы,
Код чышкис менсьым оландыр.

Ме локті карысь чужанінӧ,
Кӧн эг вӧв сӧмын тӧлысь-мӧд.
А сьӧлӧм ӧнӧдз абу ина —
Ӧд ачым некодӧс эг тӧд.