МЕНАМ МУСЛУНСьӧд Кыркӧтшын ыджыд посёлок, Сэн олӧ руд синъяса ныв. Дась сы вӧсна сетны став олӧм, — Ме сы дырйи гажтӧм ог кыв. Сыкӧд мен Гӧгӧр дзордзалӧ му, Ӧзйӧ шондіа шуд! Кор запаньӧ уджавны петас, Лӧз Эжвалӧн сьылӧ став эрд. И шондіыс выль ногӧн сетӧ Сэк ассьыс сӧдз югӧрсӧ тэд. А нюмъёвтас — сотыштас сьӧлӧм, — Он аддзы тэ мичаджык цвет. И морӧсад вынйӧр тэн сӧлӧ, Дзик любӧйтор вермавны мед. Сьӧд Кыркӧтшын ыджыд посёлок, Сэн олӧ руд синъяса ныв. Дась сы вӧсна сетны став олӧм, — Ме сы дырйи гажтӧм ог кыв. Сыкӧд мен Гӧгӧр дзордзалӧ му, Ӧзйӧ шондіа шуд! 1955 во.
